Text: Werner Meier & Margit Sarholz

Des is doch eine himmelschreiende Ungerechtigkeit. Mir leben ma hier im Paradies und kriang den Rand net voll und de andern ham nix im Bauch. Und was des Schlimmste is, koana macht was dagegen. Die Welt is net gerecht! I spend ja an Weihnachten immer 10 € für Brot für die Welt, obwohl Du ja so a net woaßt, ob des Brot wirklich bei den Armen ankommt, na trotzdem. Aber die Politik, die versagt doch total, oder? Was machen die denn? Nix. Und dafür streichens ano Diäten ei. Sammer uns ehrlich. Do brauchen sie sich net wundern, wenn koaner mehr zum Wählen geht! Und dann wollns uns a no des Rauchen verbieten, des is ja des Allerhöchste! I kannt mi do so aufregn, so aufregn! Aber mei Doktor sagt, i derf mi nimmer so aufregn, des Herz, sagt er, Bluthochdruck und wega dem Cholesterin. Nur net aufregn. Oiso Schwamm drüber.

Scheiß Cholesterin! Neilich war mir do bei uns um die Ecken im neia Schlemmer-Paradies. All you can eat, woaßt scho. Des is praktisch Flat-Rate-Fressen. Und Du kannst essen, sovui wia nei geht, bis zum Speien. Und des hammer a gmacht, mia hammer ja schließlich zoit! Das große Fressen, aber net mit Schnitzel und Pommes, na Scampis, Lachs, und Steaks, Austern. Aber bloß koa Brot! Du glaabst gar net, was dann ois nei passt -speibt sie a leichter - wenn Du koa Brot dazu isst, nur Fisch und Fleisch pur, do geht was! I moan Hunger, Hunger host Du dann scho lang koan mehr, da drum geht’s ja a net , aber wenn ma scho zoit hot, dann mecht ma doch a was ham für sei Geld!

Und des kriagst Du do drin a, anders wia bei unserne Steuern, wo Du nix davo host, an die Bänker, deanses verteilen. Do kriagst Du doch an Zorn, oder! Des is doch eine himmelschreiende Ungerechtigkeit, so was!

Des is doch koa Demokratie so was. Do brauchen sie sich net wundern: 53% Wahlbeteiligung, jawoi, da hamses davo! I bin a net higanga.

I kannt mi so aufregn! Mei Frau sogt immer, reg Di net auf, so schlecht geht’s uns doch a wieder net. Sie hot mir jetzt vom Tchibo so a Entspannungs-CD mitbracht. Ja, vielleicht miass ma mia einfach mehr zufrieden sein. Net immer nur haben wollen, oiso entspannts Eich, schließts die Augen, sonst mach i mit Eich jetzt so a Entspannungsübung! Pscht net lacha, net klatschen, ganz ruhig, ganz ruhig nur ein kleines entspanntes OMM…

Paris, Ende Oktober 2008